Qorǵanys vedomstvosy tarapynan qaza tapqandardyń otbasylaryna kómek kórsetý boıynsha barlyq sharalar qabyldanatyn bolady.
QR Qorǵanys mınıstrligi Jambyl oblysyndaǵy ınjenerlik oq-dáriler qoımasyndaǵy órt saldarynan qaza tapqan áskerılerdiń aty-jónderin jarıalady, dep habarlaıdy Almaty-akshamy.kz
Olar: kelisimshart boıynsha qyzmettegi áskerı qyzmetshi – 1981 jyly týǵan serjant Marat Saılaýuly Meshinbaı jáne 1981 jyly týǵan efreıtor Rýslan Júrsinbaıuly Janbolatov, 1969 jyly týǵan áskerılendirilgen kúzet qyzmetshisi azamat Orazbek Daıyrbekuly Dalıbaev.
Serjant Marat Meshinbaı men efreıtor Rýslan Janbolatov órttiń alǵashqy mınýttarynan bastap áskerı bólimniń órt sóndirý komandasynyń quramynda boldy. Jarylystardyń janynda bolyp, olar aýyr jaraqattar aldy.
Áskerılendirilgen kúzet qyzmetshisi Orazbek Dalıbaev qoımany kúzetý jónindegi qaraýyl bastyǵynyń kómekshisi qyzmetin atqardy. Qyzmettik mindetterin atqarýda oq-dárilerdiń jarylýy saldarynan qaza tapty.
Qorǵanys mınıstrligi qaza bolǵandardyń týystary men jaqyndaryna qaıǵyryp kóńil aıtady.