Qazaqstandyq kásipqoı boksshy Jánibek Álimhanuly (12-0, 8 KO) brıtanıalyq Denzel Bentlıdi (17-1-1, 14 KO) jeńip, álem chempıony ataǵyn qorǵady, dep habarlaıdy Almaty-akshamy.kz Inform.kz-ke silteme jasap.
Atalǵan jekpe-jek AQSH-tyń Las Vegas qalasynda ótkizildi. Qos boksshy WBO nusqasy boıynsha orta salmaqta álem chempıony ataǵyn qorǵaý úshin qolǵap túıistirdi.
Jekpe-jek on eki raýndqa sozyldy. Qos boksshy tartysty báseke ótkizdi. Bir-birine dúrkin-dúrkin soqqy jumsap úlgerdi.
Tóreshiler sheshimimen jeńis Jánibek Álimhanulyna berildi. Osylaısha ol kásipqoı bokstaǵy on úshinshi jeńisine qol jetkizdi.
Aıta ketsek, qazaqstandyq boksshy atalǵan nusqa boıynsha orta salmaqta álem chempıony bolyp sanalady.
Bul ataqtyń burynǵy ıegeri amerıkandyq Demetrıýs Andrade (12-0, 8 KO) ekinshi orta salmaqqa aýysyp ketti. Osyǵan baılanysty orta salmaqta álem chempıony ataǵy Jánibek Álimhanulyna berildi.
Jánibek Álimhanuly 1993 jyly 1 sáýirde dúnıege kelgen. Áýesqoı boksta 2013 jyly álem jáne Azıa chempıony atansa, 2014 jyly Azıa oıyndarynda jeńimpaz boldy.
2016 jyldan beri kásipqoı boksta synǵa túsip keledi.
Sýret: Inform.kz