World Boxing News portaly 2022 jylǵy qarashadaǵy jaǵdaı boıynsha salmaq dárejesine qaramastan (pound for pound) álemdegi eń úzdik 50 boksshynyń qazirgi reıtıńin usyndy
Jaqynda WBO nusqasy boıynsha orta salmaqtaǵy óziniń álem chempıony tıtýlyn sátti qorǵaǵan qazaqstandyq boksshy Jánibek Álimhanuly tizimge alǵash ret endi. Ol reıtıńte 49-shy orynda tur.
IBF, WBA Super jáne IBO orta dıvızıonynyń ıegeri Gennadıı Golovkın tizimniń 28-qatarynda.
Tizimde ýkraınalyq sýper aýyr salmaqtaǵy WBA, WBO jáne IBF chempıony Aleksandr Ýsık kósh bastady. Ekinshi orynda ekinshi orta salmaqtaǵy absolútti álem chempıony meksıkalyq Saýl «Kanelo» Alvares tur.
Buǵan deıin habarlanǵandaı, WBO Jánibek Álimhanuly (13-0, 8 KO) men odan salmaǵy tómendeý meksıkalyq burynǵy chempıon Haıme Mýngıa (41-0, 33 KO) arasynda jekpe-jekti belgiledi.