Kamal Smaıylov pen Saǵat Áshimbaev atyndaǵy televızıalyq baıqaý jarıalandy.
«Qazaqstan» teleradıokorporasıasy jazýshy-pýblısıst, ónertanýshy, televızıa qaıratkeri Kamal Smaıylovtyń 90 jyldyǵyna jáne telejýrnalıst, jazýshy, qoǵam qaratkeri Saǵat Áshimbaevtyń 75 jyldyǵyna oraı «Jalyn» televızıalyq jastar baıqaýyn jarıalady, dep habarlaıdy Almaty-akshamy.kz Elorda.info-ǵa silteme jasap.
Konkýrsqa joǵary oqý oryndarynyń stýdentteri men 30 jasqa deıingi jas jýrnalıser jáne rejıserler qatysa alady.
Konkýrs sharttary:
Konkýrsqa 2021-2022 jyldary túsirilip, efırge shyqqan qazaq tilindegi avtorlyq shyǵarmashylyq jumystar qabyldanady. Konkýrs jumystary 2022 jylǵy 30 sáýirge deıin qazaqstan.tv saıty arqyly joldanýy tıis.
Baıqaý atalymdary:
- Úzdik derekti fılm;
- Úzdik rejıserlik jumys;
- Úzdik avtorlyq baǵdarlama;
- Úzdik sújet.
Jeńimpazdardy uıymdastyrýshylar men arnaıy qurylǵan komısıa anyqtaıdy. Úzdik shyqqan joba ıegerleri qarjylaı syılyqtarmen marapattalyp, jumystar «Qazaqstan» RTRK» AQ resmı saıtyna ornalastyrylady.
Televızıalyq «Jalyn» jastar konkýrsy «Qazaqstan» teleradıokorporasıasynyń bastamasymen alǵash ret uıymdastyrylyp otyr. Búginde korporasıanyń «Altyn qorynda» 1980-1991 jyldary Kamal Smaıylov pen Saǵat Áshimbaevtyń jetekshiligimen ashylǵan ulttyq televızıa jaýhary sanalatyn «Asyl mura», «Kókpar» , «Qymyzhana», «Altybaqan» «Aıtys», «Terme», «Tamasha», «Paryz ben qaryz», «Júrekten qozǵaıyq» baǵdarlamalary saqtaýly.