Bul oıynda danıalyqtar favorıt retinde sanalǵan edi
Qatarda fýtboldan ótip jatqan álem chempıonatynda D tobynda alǵashqy bolyp Danıa men Týnıs quramalary synǵa tústi, dep habarlaıdy Almaty-akshamy.kz QazAqparatqa silteme jasap.
Bul oıynda danıalyqtar favorıt retinde sanalǵan edi.
Danıa quramasy 1992 jyly Eýropa chempıony atansa, 1984 jáne 2020 jyldary qola júldege ıe bolǵan. Al álem birinshiliginde danıalyqtardyń onsha joly bola qoıǵan joq.
2020 jylǵy Eýropa chempıonatynda Fınlándıamen oıynda danıalyq Krıstıan Erıksenniń esinen tanyp, qulap qalǵany belgili. Degenmen sodan keıin K.Erıksen úlken fýtbolǵa qaıta oraldy.
Álem chempıonatyna altynshy ret joldama alǵan Týnıs óz tobynan eshqashan shyǵyp kórmegen edi.
Qos qurama buǵan deıin 2002 jyly joldastyq kezdesý ótkizip, onda eýropalyqtar 2:1 esebimen jeńgen bolatyn.
Bul joly bastapqyda týnıstikterdiń basymdyǵy baıqalǵanymen, danıalyqtar kóp uzamaı-aq eńse túzedi.
Birinshi taım sońyna taman Iýssef M'Saknıdiń tamasha pasynan keıin Issam Jebalı danıalyq qaqpashy, 36 jastaǵy Kasper Shmeıkelmen betpe-bet shyqqanymen, aılasyn asyra almady.
Ekinshi kezeńde 69-mınýtta K.Erıksenniń asa qaýipti soqqysyn týnıstik qaqpashy Aımen Damen qaıtardy. İle-shala ekinshi taımda alańǵa shyqqan Andreas Kornelıýstiń baspen baǵyttaǵan doby qaqpa jaqtaýynan keri qaıtty.
Danıalyqtar kóbirek qaýip tóndirgenimen, esep aqyry ashylǵan joq – 0:0.
Osylaısha, teń tarqasqan komandalar bir-birden upaıǵa ıe boldy.
D tobynda búgin sonymen qatar Fransıa – Aýstralıa quramalary jasyl alańǵa shyǵady.
Eske sala keteıik, budan buryn fýtboldan bıylǵy «Altyn dop» ıegeriniń álem chempıonatynan tys qalǵanyn jazǵan bolatynbyz.
Sondaı-aq Krıshtıaný Ronaldý fýtboldan álem chempıonatynyń favorıtterin atady.
Argentına quramasy álem chempıonatynda Saýd Arabıasynan jeńildi.