Germanıanyń Maındaǵy Frankfýrt qalasynda «Frankfurter Buchmesse-2024» Frankfýrt kitap jármeńkesi ótýde.
Sharaǵa 95 elden myńnan astam avtor qatysýda, dep habarlaıdy aqshamnews.kz.
QR Mádenıet jáne aqparat mınıstrliginiń qoldaýymen qazaqstandyq baspagerler úshin arnaıy stend uıymdastyrylyp, 250-den astam kitap usynyldy.
Halyqaralyq jármeńkege qoǵam qaıratkerleri, otandyq baspagerler, aýdarmashylardy qosa alǵanda 30-dan astam otandyq ókil, sondaı-aq «Mektep», «Almatykitap», «Atamura», «ARMAN-PV», «Steppe & World Publishing», «ASTANA-KITAP» syndy iri baspalar qatysýda.
«Qazaqstannyń Frankfurter Buchmesse-2024 kitap jármeńkesine qatysýy – elimiz úshin mańyzdy tarıhı oqıǵa. Bul halyqaralyq platforma bizge mádenı muramyzdy tanystyryp, qazaqstandyq avtorlar men baspagerlerdi álemdik deńgeıde kórsetýge múmkindik beredi. Jármeńke aıasynda tek otandyq basylymdardy tanystyryp qana qoımaı, bolashaqta strategıalyq baılanystar ornatý úshin mańyzdy kezdesýler men kelissózder ótkizýdi josparladyq. Bul bastama bizdiń kitap naryǵynyń damýyna, onyń jańa deńgeıge shyǵýyna jáne avtorlardyń shyǵarmalaryn álem boıynsha taratýǵa biregeı múmkindik beredi», — dedi Qazaqstan Respýblıkasynyń Mádenıet jáne aqparat mınıstrligi Arhıvter, qujattama jáne kitap isi komıtetiniń tóraǵasy Rýstam Alı.
Frankfurter Buchmesse aıasynda kórmeden bólek semınarlar, dóńgelek ústelder, konsertter jáne basqa da mádenı is-sharalar ótkiziledi.
Aıta keteıik, Frankfurter Buchmesse jyl saıyn ótkiziletin dúnıejúzilik eń iri jármeńke sanalady. Bıyl jármeńke 16-20 qazan aralyǵynda ótedi.