Tashkentte áskerı qyzmetshiler arasynda dzúdodan ótip jatqan álem birinshiliginde Armıa ortalyq sport klýbynyń sportshylary "altyn", "kúmis" jáne eki "qola" ıelendi, dep habarlaıdy aqshamnews.kz Qorǵanys mınıstrligine silteme jasap.
60 kelige deıingi salmaqta fınaldyq jekpe-jekte qazaqstandyq dzúdoshylar efreıtor Nurqanat Serikbaev pen QR Qarýly Kúshteriniń qyzmetkeri Sherzod Davlatov qyzyl kilemge shyqty.
Eki sportshy da joǵary deńgeıde kúresti. Qosymsha ýaqytta ǵana jeńimpaz anyqtaldy.
Nátıjesinde efreıtor Nurqanat Serikbaev chempıon, QR Qarýly kúshteriniń qyzmetkeri Sherzod Davlatov kúmis júldeger atandy.
Álem chempıonatynyń qola júldelerin dzúdoshylar – QR Qarýly kúshteriniń qyzmetkerleri Janarys Rahmetqalı (66 keli) men Baqytjan Ábdirahmanov (73 keli) enshiledi.
Esterińizge sala ketsek, týrnırge 29 elden 214 dzúdoshy qatysyp jatyr. Jarys 18 qazanǵa deıin jalǵasady.