Eýropanyń alty iri kompanıasy óndirisi men keńselerin Qazaqstanǵa kóshirýge sheshim qabyldady.
Bul týraly Premer-mınıstr Álıhan Smaıylov aıtty, dep habarlaıdy Almaty-akshamy.kz Egemen.kz saıtyna silteme jasap.
Premer-Mınıstrdiń aıtýynsha, Reseı naryǵynan shyǵyp ketken 300-den astam eýropalyq kompanıalarmen aqparattyq-túsindirý jumystary júrgizilgen.
«Óndiris oryndaryn kóshirýge 50-den astam kompanıa qyzyǵýshylyq tanytty. Alty kompanıa qazirdiń ózinde sheshim qabyldap, óndiris oryndary men keńselerin Qazaqstanǵa kóshirýde. Qalǵan kompanıalar zertteý jáne jergilikti kompanıalarmen kelissózder júrgizýde. Olar múmkindikterdi zerttep jatyr», - dedi Á.Smaıylov Senat otyrysynda.