Aýyl sharýashylyǵy salasynyń sarapshysy, ekonomıka ǵylymdarynyń doktory Tóleýtaı Rahymbekov jaqyn ýaqytta Qazaqstanda ettiń kelisi 15-20 myń teńgege jetetinin aıtty, dep habarlaıdy aqshamnews.kz
Onyń sózinshe, bul ónimdi elimiz Ózbekstannan ımporttaýǵa májbúr bolady.
"Keıin biz, qazaqtar, basty ulttyq taǵamymyz beshbarmaqqa ózbek etin salatyn bolamyz, biraq onyń kelisi 15-20 myń teńge bolady. Aıtpaqshy, men 2019 jyly ettiń baǵasy 5-6 myń teńge bolady dep eskertkenmin. Qansha synasa da, meniń boljamdarym oryndalyp keledi. Jaǵdaıdy bilip otyrǵandyqtan osyndaı qorytyndy jasadym. Qazir maldyń 80-90 paıyzy usaq sharýashylyqtardyń qolynda. Ónimniń ózindik qunynyń basty bóligi – jem-shóp. Tehnologıa boıynsha kóp nárse bar, biraq biz ony umytyp kettik, qolda bar jalǵyz nárse – shóp. Usaq sharýashylyqtardyń tehnıkasy joq, sondyqtan olar shópti fermerlerden satyp alady. Qýańshylyq bolǵan boıda baǵa óse bastaıdy", – dedi ol TengeTalks YouTube-arnasyna bergen suhbatynda.