Taldyqorǵandyq polıseıler men eriktiler esirtkini jarnamalaıtyn graffıtı-jazýlardy joıdy, – dep habarlaıdy almaty-akshamy.kz Polisia.kz silteme jasap.
Tártip saqshylary qala turǵyndary men aýyl turǵyndarynyń nazaryn nashaqorlyq máselesine aýdarýǵa baǵyttalǵan esirtkige qarsy aksıaǵa bastamashylyq etti. Aksıaǵa Taldyqorǵan “Jetisy jastary” jáne “Narkostop” ÚEU ókilderi qosyldy.
Oblys ortalyǵy men birqatar eldi mekenderdiń kóshelerinde polıseıler qala turǵyndarymen jáne aýyl turǵyndarymen áńgimelesip, esirtkige qarsy taqyrypta kitapshalar men paraqshalar taratty. Temeki shegýdiń, ishimdik ishýdiń jaman ádetterinen bas tartýǵa shaqyryldy, sondaı-aq aımaqta esirtki zattaryn taratatyndardyń qurbany bolmaýdyń joldaryn túsindirdi.
– Ótip bara jatqan adamdarǵa kitapshalar taratylyp, problemalyq máseleniń quqyqtyq negizi túsindirildi. Olar esirtkiniń túrlerin jáne olardan týyndaıtyn qaýipti túsindirdi. Esirtki saýdasyna qatysqany úshin jaýapkershilik birneshe ese qatańdatylǵany jáne kisi óltirgeni úshin jazamen birdeı ekenin, ıaǵnı 7 jyldan bastap ómir boıy bas bostandyǵynan aıyrýǵa deıingi jaza qoldanady, – deıdi Jetisý oblysy PD EBQKB.
Aksıaǵa qatysqan jastar esirtki týraly aqparattyq jáne nasıhattyq sıpattaǵy túrli graffıtı-jazýlardy boıady.
Halyqqa esirtkini jarnamalaý jáne nasıhattaý, ıaǵnı grafıtı-jazýlar salý, habarlandyrýlar nemese QR-kodtar taratý, forýmdar men messendjerlerde posttar ornalastyrý úshin jaýapkershilik 3 jyldan 6 jylǵa deıin qatańdatylǵany týraly da aıtyldy.
– Esirtki saıttary men chattardy basqarý, bul odan da aýyrlatatyn jaǵdaı jáne 10 jyldan 15 jylǵa deıingi merzimge bas bostandyǵynan aıyrýǵa jazalanady, – dep atap ótti óńirdiń esirtkige qarsy kúres qyzmetkerleri.