Qazirdiń ózinde onlaın kýrstardyń avtorlary men ázirleýshileri múddeli azamattar úshin ózderiniń oqytý baǵdarlamalaryn usynýǵa daıyn.
QR Eńbek jáne halyqty áleýmettik qorǵaý mınıstrligi men «Eńbek resýrstaryn damytý ortalyǵy» AQ skills.enbek.kz qysqa merzimdi onlaın kýrstarǵa oqytý portalyn iske qosty, dep habarlaıdy Almaty-akshamy.kz QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
Mınıstrliktiń málimetinshe, portal marketpleıs (qyzmetter naryǵy) qaǵıdaty boıynsha onlaın kýrstardy usynatyn halyqaralyq oqytý alańdarynyń qazaqstandyq balamasy bolyp tabylady. Resýrs jalpy el halqynyń bilim deńgeıi men kásibıligin arttyrý, mansaptyq damýyn yntalandyrý jáne «ómir boıy oqytý» tujyrymdamasyn ilgeriletý maqsatynda quryldy.
İske qosý kezinde qazaqstandyq avtorlar men ázirleýshiler aspazdyq jáne kýlınarıalyq is, kosmetıkalyq, zańdyq jáne býhgalterlik qyzmetter, qurylys, qonaqúı jáne meıramhana isi, is júrgizý, IT, SMM salalary boıynsha kýrstar usynady.
Kez-kelgen azamat https://skills.enbek.kz/ siltemesi arqyly nemese enbek.kz Elektrondy eńbek bırjasynda «Onlaın oqytýdy» tańdaý arqyly talap etiletin biliktilikke oqytýǵa nemese biliktilikti arttyrý kýrstaryna qol jetkize alady.
Kýrstardyń avtorlary men ázirleýshileri qazaqstandyq zańdy tulǵalar men jeke kásipkerler, sonyń ishinde oqý ortalyqtary, bilim berý uıymdary da bar. Olar qazirdiń ózinde kýrstardy ornalastyrý úshin tegin alań usynýda, onlaın oqytýdy damytýǵa járdemdesýde, qosymsha kiris kózin alýda portaldyń artyqshylyqtaryn kórip otyr.
Jańa bastaǵan avtorlar men ázirleýshiler úshin portalda onlaın kýrstardy qurý boıynsha ádistemelik usynymdar jáne olarǵa qoıylatyn talaptar ázirlendi jáne ornalastyryldy.
«Skills.enbek.kz portalynda tirkelý men jumys isteýdiń barlyq máseleleri boıynsha QR Eńbekmıni «ERDO» AQ jaýapty qyzmetkerlerimen baılanysýdy suraımyz:
- Aıbýldınova Aınur, telefon: 8 (7172) 95 43 17 (ish.864), 87059873477, elektrondyq poshta: a.aibuldinova@enbek.kz;
- Kapıtonova Dınara, telefondar: 8 (7172) 95 43 17 (ish.864), 87072503337, elektrondyq poshta: d.kapitonova@enbek.kz;
- Bıdahmetova Venera, telefondar: 8(7172) 95 43 17 (ish.864), 87789302101, elektrondyq poshta: v.bidakhmetova@ enbek.kz», - delingen baspasóz qyzmeti taratqan habarlamada.