Qazaqstanda 285 eldi meken úshin sý basýdyń yqtımal qaýpi saqtalyp otyr.
Sý tasqyny kezeńi bastalǵaly 1,5 myńnan astam adam evakýasıalandy. Bul týraly Senattyń jalpy otyrysynda QR Tótenshe jaǵdaılar mınıstri Iýrıı Ilın málim etti, dep habarlaıdy Almaty-akshamy.kz QazAqparat saıtyna silteme jasap.
«Sý tasqyny kezeńiniń basynan beri respýblıka boıynsha 11 eldi mekende 192 turǵyn úıdi (BQO - 140, Aqtóbe - 41, Pavlodar - 3, SHQO - 6, Qaraǵandy - 2) jáne 78 saıajaıdy (Aqtóbe-78), sondaı-aq 3 áleýmettik nysandy erigen qar sýy basty. Sýdy burý jumystary tolyǵymen aıaqtaldy. Aýqymdy sý tasqynyna qaramastan, sý basý saldaryn joıý jáne halyqty qulaqtandyrý sharalary ýaqtyly júrgizildi, adam qurbandaryna jol berilmedi. Barlyǵy 1 595 adam evakýasıalandy (BQO - 912, Aqtóbe - 520, Pavlodar - 10, Qaraǵandy - 117, SHQO - 36), olardyń 15-i ýaqytsha evakýasıalaý pýnktterinde ornalasqan (BQO), 1 580-i úılerine oraldy», - dedi Iý. Ilın.
Onyń aıtýynsha, oblystyq jáne jergilikti mańyzy bar joldardyń 20 ýchaskesinde sý tasqyny jalǵasýda, 6 ýchaske jáne jergilikti mańyzy bar 3 kópir shaıylyp ketken.
«Sý tasqyny kezeńi jalǵasýda. 2022 jylǵy sý tasqyny kezeńiniń ótý qorytyndysy boıynsha mınıstrlik tıisti qorytyndylarmen jáne usynystarmen óńirlerde tótenshe jaǵdaılardyń týyndaýyna yqpal etken sebepter men jaǵdaılarǵa egjeı-tegjeıli taldaý júrgizetin bolady», - dedi mınıstr.