Onda 55 myń oqýshy bilim alady
Qazaqstanda sońǵy úsh jylda 41 İT-mektep ashyldy. Bul týraly Oqý-aǵartý vıse-mınıstri Ǵanı Beısembaev Ortalyq komýnıkasıalar qyzmetinde ótken brıfıńte málim etti, dep habarlady Almaty-akshamy.kz Elorda.info-ǵa silteme jasap.
«İT-mektepter zamanaýı jabdyqtarmen jáne robototehnıka kabınetterimen jabdyqtalǵan. Onda 55 myń oqýshy oqıdy. Bul ótken jylǵa qaraǵanda 3 myń balaǵa artyq», - dedi vıse-mınıstr.
Vedomstvo ókiliniń aıtýynsha, budan bólek mamandandyrylǵan mektepterdiń sany da artqan. Búginde olardyń sany 134-ke jetti.
«Mamandandyrylǵan mektepterde 72 myńnan astam bala oqıdy. Alǵash ret áleýmettik osal top oqýshylaryn qoldaý maqsatynda shyqqan mınıstrlik buıryǵy negizinde mamandandyrylǵan mektepterge túsý úshin osyndaı sanatqa 15% kvota bólingen bolatyn. Áleýmettik osal otbasylardan shyqqan 421 bala alǵash ret daryndy balalarǵa arnalǵan 71 mektepte talantty balalarmen qatar oqý múmkindigine ıe boldy», - dep atap ótti Ǵanı Beısembaev.