Bul týraly Ulttyq ekonomıka mınıstri Álibek Qýantyrov málimdedi.
Vıza Qazaqstan ekonomıkasyna 300 myń dollardan astam ınvestısıa quıǵan kásipkerlerge beriledi, dep habarlaıdy Almaty-akshamy.kz
Arnaıy ekonomıkalyq aımaq qyzmetiniń tıimdiligin arttyrý maqsatynda birqatar sharalar ázirlenip jatyr.
Qazaqstan sheteldik bıznesmender úshin ınvestısıalyq vıza engizýdi josparlap otyr.
«El ekonomıkasyna bir ýaqytta úsh júz myń dollardan astam ınvestısıa salǵan sheteldik bıznesmenderge ınvestısıalyq vızany engizý úshin Kóshi-qon saıasaty tujyrymdamasyna jáne «Halyqtyń kóshi-qony týraly» zańyna ózgerister engiziledi», - dedi Qýantyrov úkimet otyrysynda.
Sondaı-aq jer qoınaýyn ıgerýge ınvestısıa tartý úshin zańnamaǵa rásimderdi ońaılatý boıynsha tıisti ózgerister engiziledi. Arnaıy ekonomıkalyq aımaq qyzmetiniń tıimdiligin arttyrý maqsatynda birqatar sharalar ázirlenip jatyr.
Sonyń ishinde ınvestısıalyq jeńildikter berýdiń saralanǵan tásilin engizý josparlanýda. Sáýlet-qurylys qyzmetin reformalaý, sondaı-aq eskirgen qurylys standarttary men normalaryn ózektendirý maqsatynda tujyrymdamalyq jańa qujat – Qala qurylysy kodeksi qabyldanady.
«Samuryq-Qazyna» qorynyń qyzmeti strategıalyq mańyzdy sektorlardaǵy kompanıalar aksıalarynyń majorıtarlyq paketine ǵana ıelik etetin ınvestorǵa qaıta formattalady.
Barlyq shara Prezıdenttiń 1 qyrkúıektegi Joldaýyn iske asyrý jónindegi jalpyulttyq is-sharalar josparynyń jobasynda kózdelgen.