Birinshi partıa sońyna taman E.Rybakına breık jasap, tarazy basyn ózine aýdara bildi
Qazaqstannyń birinshi, álemniń 16-raketkasy Elena Rybakına Rolan Garros týrnıriniń úshinshi aınalymyna shyqty, dep habarlaıdy Almaty-akshamy.kz QazAqparatqa silteme jasap.
Fransıa ashyq chempıonatynyń 16-raketkasy bolyp tirkelgen qazaqstandyq tenısshi ekinshi aınalymda dúnıejúzilik reıtıńte 135-orynda turǵan 20 jastaǵy amerıkalyq Ketı Volynespen sheberlik baıqasty.
Bul olardyń ózara birinshi kezdesýi edi.
Birinshi partıa sońyna taman E.Rybakına breık jasap, tarazy basyn ózine aýdara bildi – 6:4.
Ekinshi sette qarqynyn tipti údetip, qarsylasyna birde-bir geım bergen joq – 6:0.
Bir saǵattan astam ýaqytqa sozylǵan báseke barysynda qazaqstandyq sportshy 2 eıspen birge 11 breık-poınttyń tórteýin paıdalandy.
Ótken jyly Rolan Garros jarysynyń shırek fınalyna deıin jetken E.Rybakına úshinshi aınalymda álemniń 22-raketkasy, amerıkalyq Medıson Kız nemese reıtıńte 79-satydaǵy fransıalyq Karolın Garsıanyń bireýimen kezdesedi.