Endi Energetıka mınıstrligine stasıonarlyq janarmaı quıý stansıalary arqyly bólshek saýdada ótkizýge arnalǵan dızel otynynyń shekti baǵasyn retteý quzyreti berilmek. Bul týraly atalǵan vedomstvo ashyq talqyǵa shyǵarǵan Úkimet qaýlysynyń jobasynda jazylǵan, dep habarlaıdy Almaty-akshamy.kz QazAqparatqa silteme jasap
«Energetıka mınıstrligi baǵalardy memlekettik retteý belgilengen munaı ónimderin stasıonarlyq avtojanarmaı quıý stansıalary arqyly bólshek, kóterme saýdada ótkizýge shekti baǵalardy belgileıdi. Sonymen qatar áleýmettik mańyzdy máni bar jáne Qazaqstan Respýblıkasynyń ekonomıkasyna eleýli yqpal etetin munaı ónimderin bólshek saýdada ótkizý baǵalaryna memlekettik retteý tártibin ázirleıdi jáne bekitedi», - delingen qaýly jobasynda.
Qujatqa qosymsha berilgen túsindirmede kórsetilgendeı, mınıstrlikke mundaı qosymsha quzyret berý dızel otynynyń tapshylyǵyn tejeýge múmkindik bermek.
«Kútiletin nátıje - baǵalardy memlekettik retteý belgilengen munaı ónimderin stasıonarlyq avtojanarmaı quıý stansıalary úshin kóterme jáne bólshek saýdada ótkizýge shekti baǵalardy belgileý jolymen dızel otynynyń tapshylyǵyn tejeý. Qaýly jobasyn qabyldaý Qazaqstan Respýblıkasynyń qoldanystaǵy zańnamasyna sáıkes keltirýge múmkindik beredi», - dep kórsetilgen túsindirmede.