Keshti ánshi ári kompozıtor Sonam Kalra júrgizdi
Dımash Qudaıbergen Úndistannyń Mýmbaı qalasynda ótken Azıadaǵy eń iri sharalardyń biri – TEDxGateway konferensıasynyń sahnasynda óner kórsetti. Almaty-akshamy.kz bul týraly dimashnews.com saıtyna silteme jasap habarlaıdy.
TEDxGateway halyqaralyq konferensıasy mańyzdy jańa ıdeıalardy zertteý jáne bólisý boıynsha TEDx-tiń jahandyq mısıasyna arnalǵan. Jyl saıynǵy shara álemdi tereńirek túsinýge umtylatyn túrli mádenıetter men ulttardyń kórnekti ókilderin biriktiredi.
İs-shara Ulttyq óner kórsetý ortalyǵynda (NCPA) ótti. Teatr 1982 jyly ashylǵan. Búginde bul Mýmbaıdyń tanymal nysandarynyń biri.
Keshti ánshi ári kompozıtor Sonam Kalra júrgizdi. Hındı tilinde táýelsiz fılmderdegi jumysymen tanymal úndilik kıno jáne teatr aktrısasy Shefalı Shah shara qonaǵy boldy.
Konferensıanyń mádenı baǵdarlamasynda Úndistannyń eń úzdik kathak bıshisi jáne horeograftarynyń biri Adıtı Mangaldaspen birge Dımash Qudaıbergen óner kórsetti.
Dımash pen onyń Dears fandomyn tanymal prodúser Ralf Saımon tanystyrdy. Sahnada 3 án - Golden, S.O.S jáne Give Me Your Love shyrqaldy.
Ártistiń shyǵarmashylyq ómirinde úlken ról atqarǵan eń tanymal jáne mańyzdy shyǵarmalardyń biri, fransýz tilindegi klasıkalyq S.O.S ánine kórermen qyzý qoshemet bildirdi.
Aǵylshyn tilindegi «Golden» kompozısıasy progresıvti jastar aýdıtorıasyna tán ádildikke jáne alǵa qoıylǵan maqsatqa qol jetkizýge degen umtylysty kórsetedi.
Dımashtyń jiger men optımızmge toly avtorlyq «Give me your love» áni keshti aıaqtap, zalda jáne ekrannyń ar jaǵynda otyrǵan kórermenge pozıtıv pen energıa syılady.