Sofıa qalasynda ótip jatqan Devıs kýboginiń pleı-off machynda Qazaqstan quramasy Bolgarıadan basym tústi.
Qazaqstannyń birinshi raketkasy Aleksandr Býblık jekeleı synda reıtıńte 179-oryndaǵy Dımıtar Kýzmanovpen sheberlik synasty.
Qazaqstandyq tenısshi qarsylasyn 6:4, 7:6 (7:4) esebimen tize búktirdi. Bir saǵat 41 mınýtqa sozylǵan kezdesýde Býblık 7 eıs jasap, 4 breık-poıntty túgel paıdalandy. Kýzmanov 1 eıs, 3 breıkpen (15 breık-poınt) kózge tústi. Osylaısha, Aleksandr Býblık esepti 3:1-ge jetkizdi.
Endi Qazaqstan quramasy aldaǵy jyldyń aqpanynda Devıs kýboginiń fınaldyq kezeńine shyǵý úshin sheshýshi mach ótkizedi.