Psıhıatr, medısına ǵylymdarynyń doktory Andreı Shmılovıchtiń aıtýynsha, depressıaǵa shaldyqqan adamdar árdaıym tunjyrap, adamdarmen aralasqysy kelmeıdi degen qate. Ol bul derttiń tosyn belgilerin aif.ru-ǵa bergen suhbatynda baıandady, - dep habarlaıdy aqshamnews.kz tilshisi.
"Joǵary fýnksıonal depressıa" kezinde adamdar ázildep, dostarymen kezdesip, jumysqa baryp júre beredi. Olar osylaı óz kúıin jáne nıetterin jasyrýy múmkin", - dedi Shmılovıch.
Alaıda mundaı minez-qulyq túptep kelgende ómir úshin qaýipti bolýy múmkin eken.
Psıhıatr klasıkalyq depressıada kóz qarashyǵy oftalmologıalyq nemese ózge sebepsiz ulǵaıyp turatynyn qosty. Sonymen qatar, qan qysymy men púls joǵarylaýy, teriniń bozarýy baıqalýy yqtımal. Shmılovıchtiń aıtýynsha, áıelderde keıde etekkir sıkli buzylady.
Shmılovıch maýsymdyq depressıany dári-dármekpen emdeý, psıhoterapıa jáne jaryq terapıasy tıimdi ekenin aıtty. Mundaı dıagnoz qoıylǵan adamdar durys uıyqtap, kúndiz serýendep, fızıkalyq belsendi bolýy mańiyzdy. Dárigerler jetkilikti aqýyz, kúrdeli kómirsýlar jáne paıdaly maılardy tutyný usyndy.