Koronavırýspen kúresý maqsatynda shekteý sharalary qatańdap jatyr.
Keıbir elderde KVI-ǵa qarsy ekpe almaǵandar azyq-túlik emes dúkenderge kire almaıtyn bolady, dep habarlaıdy Almaty-akhamy.kz COVID-19 taralýyna jol bermeý jónindegi VAK-ǵa silteme jasap.
Lıtva
Lıtva koronavırýstan vaksınasıalanbaǵan adamdarǵa qatań shekteýler engizdi. Vaksına almaǵan adamdar aýdany 1,5 myń sharshy metrden asatyn saýda ortalyqtaryna, barlyq azyq-túlik emes dúkenderge bara almaıdy. Sondaı-aq, olar úshin tamaqtaný mekemelerine jáne qoǵamdyq is-sharalarǵa kirýge tyıym salynǵan.
Slovenıa
Slovenıada 15 qyrkúıekten bastap kovıdpen kúresý úshin jańa shekteý sharalary qoldanylady. Eldiń kez-kelgen jerine kedergisiz barý úshin azamattar koronavırýsqa teris synaqtan ótýi kerek nemese vaksınasıalanýy kerek nemese saýyqqan sátten bastap alty aıdan artyq emes ýaqyt bolýy kerek.
Ulybrıtanıa
Brıtanıanyń Bas sanıtarıalyq dárigerleri jasóspirimderdi koronavırýsqa qarsy vaksınasıalaýdy usyndy. Málimdemede aıtylǵandaı, mundaı sheshim "qoǵamdyq densaýlyq saqtaý sebepteri boıynsha" qabyldandy, sonymen qatar "vaksınasıa mektepterde COVID-19 taralý deńgeıin tómendetýge múmkindik beredi".