Jyldyń basynan beri Almaty qalasynyń onkoortalyǵynan shamamen 12 myń pasıent emdelip shyqty
Aıta ketetin jaıt, qazirgi epıdemılogıalyq jaǵdaıǵa qaramastan, Almaty qalalyq onkologıalyq ortalyǵy Almaty qalasynyń pasıentterine úzdiksiz onkologıalyq kómek kórsetýde. Jyl basynan beri qalanyń 2954 turǵyndarynan sozylmaly aýrý óskinderi anyqtalǵan.
Almatyda aýrýshańdyq qurylymy boıynsha sút bezi qaterli isigi birinshi orynda, ekinshi orynda- toq ishek qaterli isigi, úshinshi orynda- ókpeniń qaterli isigi, tórtinshi orynda- asqazannyń qaterli isigi, besinshi orynda- analyq jynys beziniń qaterli isigi.
Júrgizilgen skrınıng boıynsha, jyl basynan beri 148 qaterli isik jáne 9304 qaterli isik aldyndaǵy ahýaldardyń aldy alyndy.
«Skrınıng jolymen anyqtalǵan qaterli isikter 1-2 aýrýshańdyq satysynda ekeni aıqyndaldy. Mundaı jaǵdaıda em tásili óziniń tıimdi áserin kórsetip naýqastyń tolyǵymen emdelip shyǵýyna septigin tıgizbek. Sondyqtan da skrınıngten ótý qajet. Onyń erte kezeńdegi qaterli isikti dıagnostıkalaý arqyly tolyqqandy emdeýine yqpaly bolýy ábden múmkin. Al tym kesh anyqtalǵandardy emdeý qıynǵa túsedi jáne ahýaly nasharlaıdy», - deıdi AOO dárigeri Nursultan İzmaǵambetov.
Jyldyń basynan beri 2498 KT jáne 368 MRT jasalyp, telepatologıanyń kómegimen 472 halyqaralyq keńes berilgen. Pallıatıvti kómek kórsetý boıynsha 3436 mobıldik brıgada onkologıalyq aýrýmen aýyratyndardy anyqtaǵan.
Qala boıynsha onkologıa ortalyǵy qyzmetkerleriniń kásiptiligi jáne kómek kórsetý sapasynyń joǵary bolǵany, dárilermen tolyqqandy qamtý sebepti, Almaty qalasynda shetel pasıentteriniń qaıta bekitilý deńgeıi ósýde.
«Osylaısha, bıylǵy jyldyń 8 aıy ishinde elimizdiń basqa aýmaqtarynan 478 onkologıalyq naýqastar qaıta tirkeldi (2020 jyly 338 pasıent qaıta tirkeldi). Ókinishke oraı, 112 pasıent asqynǵan qaterli isik aýrýymen kelgen, ıaǵnı, ár besinshi pasıent 3-4 kezeńdegi aýrýmen emdelýge kelgen. Munyń barlyǵy asqynýshylyqtyń kórsetkishine áserin tıgizip, ólim saldaryna ákelýi múmkin. Sondaı-aq, qala boıynsha onkologıalyq kómek kórsetýde shyǵyn kóbeıedi», - dedi AOO bas dárigeri.
Osy jyly emdelgen pasıentterdiń sany ótken jylmen salystyrǵanda 25,7%-ǵa, 11 812 sanyna deıin ósti.
2 myńnan astam kúrdeli operasıa júrgizildi. Skrınıngtiń kómegimen jáne onkologıalyq naýqastardy erte dıagnostıkalaýdyń ulǵaıýymen, sonymen qatar, emdeýmen qamtýdy 100%-ǵa shaqqanda qalada sozylmaly qaterli óskinderden ólimge jetý kórsetkishi 10,6%-ǵa tómendedi.
AOO baspasóz qyzmeti