Sezimdi sózben aıtyp jetkizý múmkin emes
Paralımpıadashy Aleksandr Gerlıs 2022 jylǵy qysqy Paralımpıada oıyndarynda qola júldeni jeńip alǵannan keıingi alǵashqy emosıasyn bólisti, dep habarlaıdy Almaty-akshamy.kz Zakon.kz-ke silteme jasap.
Gorlıs tórt atys syzyǵymen 10 shaqyrymdyq bıatlon jarysynda barlyǵyn derlik tamasha oryndaǵanyn aıtty.
«Búgingi jarys óte qıyn boldy. Tehnıkalyq turǵydan jarysty baıyppen bastadym. Qar ózgeshe, biraq shańǵymen jaqsy júre aldym. Sonyń arqasynda jyldamdyqty jaqsy kórsettim. Ókinishke qaraı, úsh ret shalys kettim. Biraq bul qola medal alýyma kedergi bolǵan joq»,-dedi Aleksandr Gerlıs.
Aleksandr 2022 jyly Beıjińde, Áıelderdiń halyqaralyq kúninde Qazaqstan qorjynyna alǵashqy medaldi alyp kelgenine óte qýanyshty.
«Sezimdi sózben aıtyp jetkizý múmkin emes. Bul – meniń paralımpıadadaǵy alǵashqy medalim. 2018 jyly Phenchhanda (20 km shańǵy jarysynda) tórtinshi boldym. Meni qoldap, men úshin alańdaǵandardyń barlyǵyna raqmet. Áıelim men ulyma sálem! Meni kútińder! Qurmetti hanymdar, kelinshekter, ájeler, analar, qazaqstandyqtar, sizderdi Áıelderdiń halyqaralyq kúnimen quttyqtaımyn! Baqyt, densaýlyq, mahabbat, baq-bereke tileımin. Bul syılyq búgin sizderge. Bizdi qoldaǵan, ýaıymdaǵan barshaǵa shyn júrekten raqmet!»,- dedi 2022 jylǵy Paralımpıada oıyndarynyń qola júldegeri Aleksandr Gerlıs.