Elimizde 130-ǵa jýyq qar barysy bar
23 qazanda álemde Halyqaralyq qar barysy kúni atap ótiledi. Bul kún 2013 jyly Bishkektegi qar barysyn qorǵaý týraly ótken dúnıejúzilik forýmda bekitildi, dep habarlaıdy Almaty-akshamy.kz QR Ekologıa mınıstrliginiń baspasóz qyzmetine silteme jasap.
Qar barysy taralý aýqymy men sany azaıa bastaǵan jyrtqysh retinde Qazaqstannyń Qyzyl kitabyna engen.
Ekologıa, geologıa jáne tabıǵı resýrstar mınıstrligi elimizde 130-ǵa jýyq qar barysy bar ekenin habarlaıdy.
Olar 9 erekshe qorǵalatyn tabıǵı aýmaqtarda mekendeıdi: İle Alataýy, Jońǵar Alataýy, Kólsaı kólderi, Katon Qaraǵaı, Saıram-Ógem, Sharyn, Altyn Emel MUTP, Aqsý-Jabaǵyly jáne Almaty memlekettik tabıǵı qoryqtary.
BUU Damý baǵdarlamasy aıasynda «Qar barysyn saqtaý jónindegi ulttyq is-qımyl jospary» ázirlendi. Jospardyń maqsaty qar barysynyń popýlásıasyn ǵylymı zertteý bolyp tabylady.
Fototuzaq arqyly «Altyn-Emel» MUTP aýmaǵyn da qar byrysy meken etetini anyqtaldy. Munda qar barysynyń otbasy tirkelgen.
Qar barysy 2700-5000 metr bıiktikte ómir súredi. Quıryǵynyń uzyndyǵy 1 metrge, denesiniń uzyndyǵy 2,1 m jetetinderi de kezdesedi.
Qar barysy Qazaqstannan bólek Qytaı, Mońǵolıa, Indıa, Nepal, Qyrǵyzstan, Pákistan, Tájikstan, Reseı, Aýǵanstan, Býtan, Ózbekstan jerlerinde de kezdesedi.
Jer betindegi qar barysynyń jalpy sany 4-6 myń aralyǵynda.