"Qazgıdromet" sınoptıkteri 28 qańtarǵa arnalǵan aýa raıy boljamyn jarıalady, - dep habarlaıdy aqshamnews.kz tilshisi.
Almatyda aýa raıy qubylmaly bultty bolady, kúndiz jaýyn-shashyn (jańbyr, qar) kútiledi. Keı ýaqytta tuman túsip, joldarda kóktaıǵaq bolady. Jeldiń jyldamdyǵy 3–8 m/s.
Aýa temperatýrasy túnde -4…-6°S, kúndiz 0…+2°S bolady.
Meteorologtardyń dereginshe, eldiń soltústik jáne ortalyq óńirlerinde qar jaýyp, burqasyn soǵady. Ońtústik pen ońtústik-shyǵysta jańbyr aralas qar kútiledi, al batys aımaqtarda aýa raıy salystyrmaly túrde tynysh bolady.
"Respýblıka boıynsha jel kúsheıip, tuman túsýi yqtımal. Al ońtústikte, ońtústik-batysta jáne ońtústik-shyǵysta kóktaıǵaq bolady, bul joldardy erekshe taıǵaq etedi", - delingen "Qazgıdromet" RMK baspasóz qyzmetiniń habarlamasynda.
Sonymen qatar, túnde Mańǵystaý oblysynyń soltústik-shyǵysynda óte qatty aıaz kútiledi.