Oqıǵa Brazılıanyń San-Paýlý shtatyndaǵy Barretýsh qalasynda boldy
Fýtboldan álem chempıonatynda Brazılıa jeńilip qalǵannan keıin jappaı tóbeleste 17 jasar qyz kóz jumyp, úsh adam zardap shekti, dep habarlaıdy Almaty-akshamy.kz QazAqparatqa silteme jasap.
TASS habarlaýynsha, oqıǵa Brazılıanyń San-Paýlý shtatyndaǵy Barretýsh qalasynda boldy.
Brazılıa – Horvatıa machy aıaqtalǵannan keıin saýda ortalyǵynda janjal týyndap, jappaı tóbeleske ulasqan. Janjaldasqandar saýda ortalyǵy syrtynda atysqa deıin barǵan. Sonyń saldarynan 17 jasar qyz oq jaraqatynan qaza tapty. Al onyń qurbysy ókpesinen jaraqat alǵan.
Polısıa málimetine qaraǵanda, oq atqan tórteý avtokólikpen oqıǵa ornynan boı tasalaǵan. Janjaldyń sebebi naqtylanbaǵan.
Eske sala keteıik, budan buryn Brazılıanyń bas bapkeri ornyn bosatqanyn jazǵan bolatynbyz.
Sondaı-aq Lıonel Messı álem chempıonattaryndaǵy onynshy golyn soqty.
Nıderland quramasyn joldan taıdyrǵan Argentına jartylaı fınalǵa shyqty.
Amerıkalyq jýrnalıs Nıderland-Argentına machy kezinde kóz jumdy.