Dırektorlar keńesiniń quramyna Tımýr Súleımenov kirdi.
Dırektorlar keńesiniń quramyna Tımýr Súleımenov kirdi. Qanat Bozymbaev pen Danıar Aqyshev «Samuryq-Qazyna» qory dırektorlar keńesi quramynan shyǵaryldy. Bul aqpar KASE saıtynda jazylǵan, dep habarlaıdy Almaty-akshamy.kz Inbusiness.kz saıtyna silteme jasap.
«Samuryq-Qazyna» ulttyq ál-aýqat qorynyń jalǵyz aksıoneriniń 2022 jylǵy 28 qańtardaǵy sheshimine saı, kompanıanyń dırektorlar keńesiniń quramyna kelesi ózgerister engizildi. Quramnan Qanat Bozymbaev pen Danıar Aqyshev shyǵaryldy. Dırektorlar keńesiniń quramyna Tımýr Súleımenov kirdi», - delingen habarlamada.
Engizilgen ózgeristerdi eskersek, qazirgi dırektorlar keńesi alty adamnan turady: Djon Dýdas, Ong Býn Hvı, Lýka Sýtera, Álibek Qýantyrov, Almasadam Sátqalıev jáne Tımýr Súleımenov.
Aıta keteıik, Qanat Bozymbaev 2021 jyldyń qarasha aıynan bastap Almaty oblysynyń ákimi qyzmetin atqaryp keledi, Danıar Aqyshev 2019 jyly Nursultan Nazarbaevtyń keńesshisi bolyp taǵaıyndaldy.