Ol qala ákimi Erbolat Dosaevqa birqatar tapsyrma berdi.
Bıyl naýryzda Memleket basshysy Qasym-Jomart Toqaev Almatyǵa keledi, dep habarlaıdy Almaty-akshamy.kz Inbusiness.kz silteme jasap.
«Almaty - erekshe qala, onda áleýmettik máselelerdi sheshýge basa nazar aýdarý kerek. Naǵyz almatylyq rýhty oıatyp, turǵyndarǵa kóterińki kóńil-kúı syılaý kerek», - dedi Prezıdent.
Qasym-Jomart Toqaev naýryzda Almatyǵa jumys saparymen kelgende, ondaǵy ózekti máseleler talqyǵa salynatynyn atap ótti.
«Sheshimin tappaǵan máseleler bar. Onymen Baqytjan Saǵyntaev aınalysty. Bir máselede alǵa jyljý bolsa, ekinshisinde túrli sebepterge baılanysty úlgermedi, sheshimin tappady. Qalaı bolsa da baǵyt durys, dál osy baǵytta qozǵalý kerek. Almaty halqymen tyǵyz jumys isteý qajet dep oılaımyn. Taǵy da qaıtalaımyn, biz jumys saparynda daýly máselelerdi talqylaýymyz shart», - dedi Memleket basshysy.