Álemdegi koronavırýsqa qatysty jańalyqtar
COVID-19 taralýyna jol bermeý jónindegi VAK álemniń keı elderindegi koronavırýsqa qatysty jańalyqtardan habardar etti, dep habarlaıdy Almaty-akshamy.kz.
Damyǵan elderde ortasha ómir súrý uzaqtyǵynyń rekordtyq tómendeý kórsetkishi tirkeldi. AQSH-ta, ásirese, er adamdar arasynda kóp baıqalady: 2019 jylmen salystyrǵanda 2,2-ge azaıdy. Zertteý avtorlarynyń aıtýynsha, ómir súrý uzaqtyǵyn arttyrýdaǵy barlyq jetistikter 2020 jyly joıylýǵa shaq qaldy.
Taıland Bangkok pen provınsıalardyń vaksınalanǵan saıahatshylar úshin ashylýyn qarashaǵa aýystyrdy. 16 maýsymda eldiń Premer-Mınıstri vaksınalanǵan saıahatshylarǵa elge kirýge ruqsat berýdiń 120 kúndik merzimin belgiledi. Patshalyqtyń ashylýyna birden-bir sebep bolyp tabylatyn halyqty tolyq vaksınalaýǵa ýaqyttyń óte tyǵyz ekendigin málimdedi.
Bolgarıa bıligi vaksınanyń úshinshi dozasyn údetkish (kómekshi) retinde salýǵa ruqsat berdi. Vaksınalaý pýnktterinde usynylatyn preparattardyń bireýiniń eki dozasyn alǵan azamattardyń jalpy sany 1,3 mıllıonnan asty, bul halyqtyń shamamen 20% quraıdy. Elde qazan aıynyń sońyna deıin tótenshe epıdemıologıalyq jaǵdaı rejımi uzartyldy.