Birneshe páteri bar azamattarǵa salyq ıeligindegi jyljymaıtyn múliktiń jıyntyq qunynan eseptelýi múmkin. Bul týraly Ulttyq ekonomıka mınıstri Azamat Ámrın Senatta ótken dóńgelek ústelde aıtty, dep habarlaıdy Almaty-akshamy.kz.
«Salyq saıasatynyń ózekti máseleleri jáne salyqtyq ákimshilendirýdi jetildirý» taqyrybynda ótken jıynda UEM ókili sán-saltanat salyǵyn jańasha esepteý joldary qalaı iske asatynyn túsindirdi, dep jazdy Qazaqparat.
«Qazir biz sán-saltanat salyǵyn arttyrý baǵytynda jumys istep jatyrmyz. Prezıdent bergen tapsyrmanyń biri osy bolatyn. Iaǵnı, bul jerde jeke bir salyqtyń túri týraly aıtyp otyrǵan joqpyz. Taýarlardyń jeke sanatyna qosymsha salyq esepteledi degen sóz. Aksızder arqyly, múlikke salyq arqyly alynady. Biz bul jerde ne usynyp otyrmyz?
Qazir bizde jeke tulǵalardyń múlkine salynatyn salyqtyń onsyz da progresıvti shkalasy bar. Iaǵnı, múliktiń quny neǵurlym joǵary bolsa, salyq mólsherlemesi de soǵurlym joǵary bolady – 0,01 paıyzdan 1,5 paıyzǵa deıin», - degen mınıstrdiń orynbasary menshigshiginde birneshe jyljymaıtyn múlki bar adamǵa jańa shkala qalaı áser etetinin túsindirdi.
«Mysaly, 10 birdeı páteri bar menshik ıeleri bar. Olardyń ıeligindegi ár páterdi jeke alyp eseptese, salyq mólsherlemesi ár páter úshin jeke esepteledi. 1 bólmeli páteriniń quny 20 mln teńge bolsa, salyq mólsherlemesi basqasha bolady. Al eger 10 páterdiń qunyn qosyp eseptesek, 200 mln teńge bolady. Sáıkesinshe 200 mln teńgege salynatyn salyq mólsherlemesi de joǵary bolýy kerek. Sondyqtan osyndaı sanattar úshin múlik salyǵy jıyntyq qunyna baılanysty eseptelýi kerek. Tıisinshe salyq mólsherlemesi de joǵary bolady», - dedi vıse-mınıstr.