Pavlodarda «As berý mádenıeti» qujaty talqylandy
QMDB Pavlodar oblysynyń ókildiginiń uıymdastyrýymen qala meshitiniń ımamdary, zıaly qaýym, aqsaqaldar, ardagerler, jastar jáne orta býyn ókilderi, oblystyq din isteri basqarmasy qyzmetkerleriniń qatysýymen «As berý mádenıeti» qujaty jóninde basqosý jıyny ótti, dep habarlaıdy almaty-akshamy.kz
Jıynǵa qatysýshylar qazaly úıde qazan kóterip, qonaqasy berýdiń tártibi týraly keń kólemde oı bólisti. Búgingi tańda qazaly úıde qonaqasy berý salty qarapaıym ómir ádebi turǵysynan da, sharıǵı turǵydan da shekten shyǵyp, ysyrapshylyqqa jol berilip kele jatqany da aıtyldy. Bul kúni tipten marqumnyń janazasyn shyǵarý, jetisin, qyrqyn berýden de kóp shyǵyn shyǵatyny, qazaly úıge rýhanı turǵydan ǵana emes, qarjylyq turǵydan da úlken salmaq túsiretini týraly kóptegen mysal, dálelder ashyq aıtyldy.
Osyǵan oraı basqosýǵa qatysqan alqaly toptyń atynan oblys halqyna arnaıy Úndeý qabyldaýǵa kelisti. Jıynda Úndeýdiń jobasy oqylyp, ony ýaqyt uttyrmaı kóptiń talqysyna salyp, usynystar qabyldaýǵa sheshim shyǵardy.
«Bul Úndeý arqyly aldaǵy ýaqytta marqumnyń úıinde qonaqasyn berý rásimin bir qalypqa túsiretin, ysyrapty barynsha tejeıtin, bir júıege keltiretin arnaıy qujat qabyldanady» deıdi oblystyń bas ımamy Joldas Qospaquly.