Joldaýdy qoldaý.
Prezıdenttiń 7 jylǵa saılanýyn jáne odan keıin qaıta saılaýǵa túspeıtinin kópshiligi qoldaýda. Qazaqstan Jazýshylar odaǵy tóraǵasynyń orynbasary Baqyt Bedelhan da Joldaýǵa qatysty óz oıyn bildirdi, dep habarlaıdy Almaty-akshamy.kz.
«Alaýlaǵan armandar men jalaýlaǵan dúnıemen júrýge bolmaıtyn zaman qazir. Sabyrly da salıqaly, óte salmaqty joldy tańdap otyrǵan qazirgi bizdiń Memleket basshymyz Qasym-Jomart Kemeluly Toqaevtyń myna baǵyt-baǵdary kóńilge qonymdy. Álemdik deńgeıdegi dıplomatıalyq saıasat ustanǵan, tájirıbesi mol, qazirgi jahandaný kezeńindegi jan-jaǵymyzdy órt, dert jalmap jatqan ýaqytta, árkimniń pendeshiligi oıanyp turǵan kezeńde óte bir salıqaly saıasat ustaný - ol bárimizge mindet. Osy dúnıeni ol kisi ózi aıtty o basta. Revolúsıalyq joldy emes, evolúsıalyq joldy tańdaımyn dep. Sol sıaqty birte-birte biryńǵaılyqqa, birte-birte durys yńǵaıǵa kele jatqan joly kórip otyrmyz. Sondyqtan myna 7 jylda bir-aq ret saılanatyn Prezıdentti zańǵa engizý bul óte oryndy dúnıe dep oılaımyn. Ózi de óz sózinde aıtyp ketti, jeti jylda adam arman-maqsatyn, josparyn túgel oryndaýǵa tyrysady», - deı kele belgili aqyn Baqyt Bedelhan Prezıdenttiń bul bastamasyn qoldap otyrǵanyn jetkizdi.
«Eń bastysy, bizdiń memleketimizdiń beıbitshiligi besikteı terbelip turý. Ádiletti memleket, tutas ult jáne berekeli qoǵam ornatý. Ulttyq qordan halyq, el, bolashaq urpaq enshi alýy. Onyń arasyndaǵy Prezıdent saılaýy eń úlken dúnıe, shuǵyl, aıaqasty eldi oılandyryp qoıǵan nárse bolýy múmkin. 7 jylǵa bir ret saılanyp, qaıta túsýiniń ózi - ár Prezıdenttiń sol merzimde shuǵyl jáne óz-ózin kórsete alatyn, 7 jyl degende bylaı qaraǵanda kóp sıaqty bolǵanmen, az ýaqyt. Bir ret saılanǵan qaıta saılanbaıdy, qaıta túse almaıdy. Onyń ózi qadap, qazyqtaı qylyp ketse, memleketimizdiń damýyna úlken serpin beretin dúnıe dep oılaımyn», - deıdi Qazaqstan Jazýshylar odaǵy tóraǵasynyń orynbasary.