Almatyda BEKZAT BOXING CLUB atyndaǵy sport kesheni ashyldy. Astana kúni qarsańynda Medeý, Alataý aýdandarynyń jasóspirimderi men turǵyndaryna jasalǵan ıgi is boldy. Osy oraıda ınısıatıva avtory Syrlybaev Baǵdatpen suhbattasqan edik.
- Armysyz, boks zalynyń ashylýy týrasynda tolyǵyraq aıtyp berseńiz?
- Bul - qaladaǵy 4-shi boks zaly. Ashylý saltanatyna qatysqan Medeý aýdanynyń ákimi Saıran Saıfedenov jas órenderge sáttilik tiledi. Aıta keterligi, eshqandaı demeýshisiz, óz qarajatyma salyndy.
- Sport kesheniniń syıymdylyǵy qansha sportshyǵa eseptelgen?
Jalpy, 200 balaǵa negizdelgen. Odan bólek, 2-shi qabatta bı úıirmesi bar. Ol jerde shamamen 100-150 adam bı, gımnastıka, t.b jattyǵa alady. Al astynda biryńǵaı bokspen aınalysady. Sonymen qatar, úırenem, kórem, ózim úshin qatysam deýshilerge esigimiz ashyq. Úlkenderge de bylǵary qolǵaptyń qyr-syryn úıretemiz.
- Bekzat esimin berýdegi maqsat qandaı?
- Suraǵyńyz oryndy. Qazir kóptegen boks ortalyqtary boı kótergen. Árqaısysyna ártúrli esim berilýde. Tipti sheteldik ataýlardy da kórýdemiz. Endi, bizder osy salada júrgennen keıin ózgeshe nyspy berý – syn bolar. Bekzat Sattarhandaı batyrymyz, dańqty boksshymyz, Olımpıada chempıonynyń aty óshpesin degen maqsatta qoıyldy. Búgingi jastardyń kóbisi ony bile bermeıdi. Óz qatarlastarymyz ǵana emes, kópshiliktiń de keńinen tanyǵany abzal. Bar oıymyz - qazaq halqynyń aıbyndy uldary umyt qalmaýy tıis.
- Aldaǵy josparlaryńyzben bólisseńiz?
- Meniń túpki kózdegenim - boksty órkendetý. Balalardy sportqa baýlý. Jastardy salaýatty ómir saltyna tárbıeleý. Árnıe, jeńimpazdar shyǵarý. Árbir qyzyǵýshy talantqa barynsha jaqyn bolý. Olarǵa jaǵdaı jasap, jol kórsetý. Sonymen birge elimizdiń ózge óńirlerinnen de, sport keshenderi men sharshy alańdardyń irgesin qalaǵymyz keledi. Ol is oıda hám josparda tur.
- Áńgimeńizge rahmet!