Áleýmettik jelilerde 24 jáne 25 qazanda ortalyq alańdarda jergilikti atqarýshy organdarmen kelisilgen mıtıńilerge qatysý týraly jalǵan habarlamalar men arandatýshylyq úndeýler taratylyp jatyr, dep habarlaıdy Almaty-akshamy.kz Inbussines.kz-ke silteme jasap.
Bul kúnderi osy jerlerde qandaı da bir mıtıńiler ótkizý kelisilmegen. "Respýblıka kúnin" merekeleýdi eskere otyryp, tek resmı mádenı-buqaralyq is-sharalar ótkiziletin bolady. Osyǵan baılanysty osy jalǵan habarlamalarmen jarıalanǵan aksıalardy uıymdastyrý jáne olarǵa qatysý, sondaı-aq olarǵa shaqyrý zańsyz. Ókinishke qaraı, mıtıńilerdi nemese ózge de beıbit jınalysty ótkizýdiń zańdy tártibin birneshe ret túsindirýge qaramastan, ony buzý oryn alýda. Bul tártip 2020 jylǵy 25 mamyrda qabyldanǵan "Qazaqstan Respýblıkasynda beıbit jınalystardy uıymdastyrý jáne ótkizý tártibi týraly" zańmen reglamenttelgenine nazar aýdaramyz, - delingen habarlamada.
Sáıkesinshe, zań talaptaryn buza otyryp ótkiziletin mıtıńilerdi, sherýlerdi, jınalystardy nemese demonstrasıalardy uıymdastyrý jáne olarǵa qatysý (3 - baptyń 3-tarmaǵy) zańsyz bolyp tabylady jáne 25 táýlikke deıin qamaqqa alýmen Ákimshilik quqyq buzýshylyq týraly kodekstiń 488-baby boıynsha jaýaptylyqqa ákep soǵady.
Mysaly, 15 qazanda Almaty qalasynda zańsyz mıtıńke qatysýǵa shaqyrǵan osyndaı úndeýler úshin A. degen azamatqa sot ÁQBtK-niń 488-babynyń 7-bóligi boıynsha 15 táýlikke qamaqqa alý túrinde ákimshilik jaza qoldandy. Osyndaı quqyq buzýshylyq úshin a.j. 12 qazanda Almaty oblysynda azamat D. 15 táýlikke qamaqqa alyndy. Mazmundalǵannyń negizinde, sondaı-aq zańdylyqty, qoǵamdyq qaýipsizdikti qamtamasyz etý, quqyq buzýshylyqtardyń aldyn alý, adam men azamattyń quqyqtary men bostandyqtaryn qorǵaý maqsatynda qoldanystaǵy zańnama normalaryn múltiksiz saqtaýǵa, arandatýshylyqqa berilmeýge jáne zańsyz aksıalardy, olarǵa jarıa shaqyrýlardy uıymdastyrýdan jáne olarǵa qatysýdan bas tartýǵa shaqyramyz. Quqyq qorǵaý organdary belgilengen quqyqtyq tártipke qol suǵatyn kez kelgen quqyq buzýshylyqtardyń jolyn kesetin jáne kináli adamdarǵa zańda kózdelgen barlyq sharalardy qabyldaıtyn bolady, - delingen Bas Prokýratýra taratqan habarlamada.