Almaty ákimi Baqytjan Saǵyntaev Japonıanyń Qazaqstandaǵy Tótenshe jáne Ókiletti Elshisi D. Iamadany qabyldady, dep habarlaıdy almaty-akshamy.kz
Kezdesý barysynda taraptar saýda-ekonomıkalyq jáne mádenı-gýmanıtarlyq baılanystardy damytýdy, sondaı-aq Almaty qalasy men Kúnshyǵys eliniń prefektýralary arasyndaǵy óńiraralyq yntymaqtastyqty keńeıtýdi talqylady.
Aǵymdaǵy jyldyń birinshi jartyjyldyǵynda Almaty men Japonıa arasyndaǵy taýar aınalymy 2020 jyldyń osy kezeńimen salystyrǵanda 12,6%-ǵa ósti jáne 177,2 mln dollardy qurady, onyń ishinde eksport - 0,3 mln dollar, ımport - 176,9 mln dollarǵa jetken. Megapolıste 12 birlesken jáne 40 japondyq kásiporyn tirkelgen.
Mádenı-gýmanıtarlyq ózara is-qımyl aıasynda Almatydaǵy ál-Farabı atyndaǵy QazUÝ, Sátbaev atyndaǵy QazUTZÝ sıaqty ýnıversıtetter men Japonıanyń Sýkýba ýnıversıteti, Tokıo ýnıversıteti jáne basqalarmen arada yntymaqtastyq ornyqqan. Qazaqstandyqtardyń «Bolashaq» halyqaralyq stıpendıasy aıasynda japondyq 4 ýnıversıtette bilim alýǵa múmkindikteri bar. Almatyda 2002 jyldan bastap «Narhoz» ýnıversıtetiniń bazasynda adamı resýrstardy damytýdyń Qazaq-japon ortalyǵy jumys isteıdi.