Ázirbaıjandyq tarıhshy, saıasattanýshy Teımýr Oktaıogly Ataev «Abaıdyń ulylyǵy» atty eńbegin jaryqqa shyǵardy.
Avtorǵa týyndyny jazý ıdeıasy Qazaqstanǵa sapary barysynda kelgen. Ol qazaq elimen tanysý barysynda hákimniń esimin jıi estip jáne estip qana qoımaı, onyń shyǵarmalarymen jaqynyraq tanysa bastaǵan, dep habarlaıdy Almaty-akshamy.kz
Áýelgide maqala jaryqqa shyqan, keıin ol tolyq jınaqqa aınalǵan. Jazýshynyń aıtýynsha, Abaıdyń artyna qaldyrǵan murasy máńgi. Ony keshegi kúnmen ǵana emes, búginmen, erteńmen tyǵyz baılanystyrýǵa bolady. Uly aqynnyń shyǵarmalary qazaqqa ǵana emes adamzatqa ortaq qundy mura deıdi ol. Aıta keteıik, kitaptyń tanystyrylymy Ázirbaıjan Respýblıkasy elshiliginiń qoldaýymen elordada ótti.
"Abaı – dara tulǵa. Onyń shyǵarmalary búgingi kúndi aıtyp otyrǵandaı. Iaǵnı, ǵasyr buryn onyń kótergen taqyryptary búgingi kúni ózekti. Abaıdy tek qazaqtyń ǵana emes, barsha túrki áleminiń aǵartýshysy, ǵulamasy dep jatady. Shynyna kelsek, ol ras. Ol únemi aýqymdy taqyryptardy kóterip, aıtyp ketken tulǵa. Men ony keıde bizdiń aǵartýshylarymyz ben Myrza Fatalı Ahýndov, Ǵabdolla Toqaımen salystyramyn. Bul ǵulamalar ǵylym-bilimdi jasap tastap ketken adamdar desem, qate aıtqanym bolmas", - deıdi kitap avtory Teımýr Oktaıogly Ataev.