3 qarasha kúni Qazaqstannyń 14 oblysy men eki oblys ortalyǵynda aýa raıy kúrt nasharlaıdy.
Sınoptıkter respýblıkanyń basym bóliginde jel kúsheıip, qar, jańbyr jáne kóktaıǵaq bolady dep boljap otyr, - dep habarlaıdy Aqshamnews.kz.
Tek eldiń ońtústik-shyǵysy men batysynda ǵana kún jaýyn-shashynsyz ótedi.
Almaty oblysynda ońtústik-shyǵystan soqqan jel kúndiz soltústik-batysqa aýysyp, ekpini 15–20 m/s jetedi. Taýly aımaqtarda tuman, Taldyqorǵanda túnde –1…–3°S deıin aıaz kútiledi.
Atyraý oblysynda túnde jáne tańerteń tuman túsedi. Aqmola oblysynda boran men kóktaıǵaq kútiledi. Kókshetaýda jeldiń ekpini 20 m/s deıin kúsheıedi.
Pavlodar oblysynda jańbyr men qar aralas, kóktaıǵaq bolady. Túrkistan oblysynda kúndiz jeldiń ekpini 20 m/s deıin kúsheıip, óńirdiń ońtústigi men batysynda órt qaýpi óte joǵary deńgeıde saqtalady. Abaı oblysynda keı jerlerde jeldiń kúshi 23–28 m/s deıin jetedi.
Shyǵys Qazaqstan oblysynda kóktaıǵaq pen tuman, sondaı-aq 25 m/s deıin jel soǵady. Jambyl oblysynda túnde jáne tańerteń tuman, jeldiń ekpini 25 m/s deıin jetedi. Ulytaý, Qaraǵandy jáne Qostanaı oblystarynda boran men kóktaıǵaq kútiledi.
Jetisý oblysynda keı jerlerde tuman men aıaz, jel 28 m/s deıin kúsheıedi. Qyzylorda oblysynda jeldiń jyldamdyǵy 20 m/s deıin jetedi, óńirde joǵary órt qaýpi saqtalady. Soltústik Qazaqstan oblysynda boran men kóktaıǵaq, al Petropavlda aýa temperatýrasy túnde –12°S deıin tómendeıdi. Batys Qazaqstan jáne Mańǵystaý oblystarynda túnde jáne tańerteń tuman kútiledi.