Qaterli isikke shaldyqqan naýqasqa kúrdeli ota jasaldy.
Atyraý dárigerleri naýqasqa kúrdeli ota jasap, 15 keli isikti alyp tastady, dep habarlaıdy Almaty-akshamy.kz.
Atyraý oblystyq Onkologıa dıspanserinde qaterli isikke shaldyqqan naýqasqa kúrdeli ota jasaldy. Dárigerler otaǵa deıin naýqasqa retroperıtoneým sarkomasy dıagnozyn qoıǵan.
«Onkologıa dıspanserindegi kúrdeli otany jasaǵan hırýrgıa bóliminiń meńgerýshisi Maqsat Shámshenov pen oblystyq kardıoortalyqtyń qan tamyrlar hırýrgi Erlan Mádeshev jasady. Hırýrgterge asıstentter Mereı Qazǵalıev pen Maqsat Týǵanbaev, Meıramgúl Igibaeva, anestezıolog Alıakbar Imamatdınov kómektesti», - dep habarlady dıspanserden.
Naýqasqa jasalǵan kúrdeli ota ortańǵy laparotomıa dep atalady. Hırýrgter anastomozdardy qoıý arqyly naýqastyń denesinen birneshe isikti alyp tastaǵan. Onyń ishinde syrtqy myqyn arterıasy men sol jaqtaǵy nesepaǵardyń tómengi úshten bir bóligin rezeksıalaý arqyly alynǵan úlken retroperıtonealdy isikter bar. Eń úlken isiktiń salmaǵy – 15 keli.