Ol óz kinásin moıyndap, zalaldy tolyq kólemde ótedi.
Astanalyq taksıst Úndistan azamatyn áýejıdan qonaqúıge 45 myń teńgege aparǵan, dep habarlaıdy Almaty-akshamy.kz
22 qarashada 102 arnasyna "Dıplomat" qonaq úıiniń ákimshisinen habarlama kelip tústi. Ol taksı júrgizýshisiniń Úndistan azamatynan ony Astana áýejaıynan qonaqúıge jetkizgeni úshin 45 000 teńge alǵanyn habarlady.
İzdeý is-sharalaryn ótkizý barysynda kóliktegi polısıa departamentiniń qyzmetkerleri elordalyq taksoparkterdiń biriniń júrgizýshisin ustady. Ol sheteldikti aldap, halyqaralyq áýejaıdan qonaqúıge deıingi baǵany ádeıi kótergen.
Taksı júrgizýshisi óz kinásin moıyndap, zalaldy tolyq kólemde ótedi.
Quqyq buzýshyǵa qatysty ÁQBtK-niń 190-baby boıynsha ákimshilik hattama toltyrylyp (Qazaqstan Respýblıkasynyń tutynýshylardyń quqyqtaryn qorǵaý týraly zańnamasyn buzý), 10 AEK mólsherinde aıyppul salyndy.
Sondaı-aq taksoparktiń atyna osyndaı quqyq buzýshylyqtardyń sebepteri men jaǵdaılaryn joıý týraly usynys jiberildi.