VIII shaqyrylǵan Almaty máslıhatynyń kezekti sesıasy barysynda depýtattardyń qaraýyna qalanyń dızaın-kodynyń jobasy usynyldy.
Almaty ákiminiń orynbasary Asqar Ámrın óziniń sózinde Memleket basshysynyń 2022 jylǵy qarashada jáne aǵymdaǵy jylǵy tamyzda bergen tapsyrmalaryn oryndaý aıasynda jaqsy nátıjelerge qoljetkizilgenin atap ótti.
«Siz ben biz Almatynyń 2040 jylǵa deıingi jańa Bas josparyn, Almaty aglomerasıasyn damytýdyń Keshendi josparyn jedel qarap, qabyldadyq, komýnaldyq qyzmetterge tarıfterdiń ósýin óteý úshin HÁOT sanatyndaǵy azamattarǵa tólemderdi bekittik, aldaǵy úsh jyldyq kezeńge arnalǵan qalanyń áleýmettik baǵdarlanǵan búdjetin qabyldadyq», – dedi Asqar Ámrın.
Onyń aıtýynsha, Almatynyń dızaın-kody - bul ómir súrýge qolaıly úılesimdi megapolıs qurý úshin qalalyq ortany qalyptastyrý jónindegi erejeler men qaǵıdattardyń jıyntyǵy.
«Bizdiń aldymyzda eki mindet tur – Almatynyń tanymal tarıhı kelbetin saqtaý jáne álemdik tendensıalardy eskere otyryp, megapolıstiń bolashaq beınesin damytý», – dedi Almaty ákiminiń orynbasary Asqar Ámrın.
Bul qujat osy maqsattarǵa qoljetkizýge yqpal etýge arnalǵan. Dızaın-kod kezeń-kezeńimen engiziletin bolady. Jańa nysandar úshin usynystar men talaptardyń tolyq kólemi qoldanylady.