Jastarǵa degen senim mol
Qazaqstannyń eńbek sińirgen qaıratkeri, akter Ulan Núsipáli saılaýǵa baryp, azamattyq boryshyn oryndady, dep habarlaıdy Almaty-akshamy.kz.
«Kóktemniń shýaqty kúninde, Naýryz merekesi qarsańynda elimizde mańyzdy saıası naýqan júryp jatyr. Tańerteńnen saılaý ýchaskelerine halyq aǵylyp jatqanyn kórip otyrmyz. Men de ózimniń azamattyq paryzymdy oryndaý maqsatynda Túrksib aýdanyndaǵy №20 mekteptegi №477 saılaý ýchaskesine baryp daýys berdim. Májilis pen Máslıhat depýtattaryn saılaý óte belsendi ótip jatyr. Demek, bul – halyqtyń Jańa Qazaqstan qurýǵa degen qulshynysynyń kórinisi dep bilemiz. Árkim óz tarapynan ádiletti, ashyq qoǵam qurýǵa úlesin qosýy tıis. Elimizdiń bolashaǵy jastardyń qolynda. «Jas kelse, iske» demekshi, memleketimizdi órkendetý úshin aıanbaıtyn jastar bılikke kelse eken dep oılaımyn», - dedi akter Ulan Núsipáli.