Qazaqstannyń Densaýlyq saqtaý mınıstri Aqmaral Álnazarova Azerbaijan Airlines áýe kompanıasynyń ushaǵy Aqtaý áýejaıynda apatqa ushyraýyna qatysty pikir bildirdi, dep habarlaıdy aqshamnews.kz
"Oqıǵa ornyna ushaq jiberildi. Jedel járdemniń 14 brıgadasy attandy. Qazirgi ýaqytta alty adamnyń aman qalǵany belgili, biraq olardyń jaǵdaıy óte aýyr," — dep habarlady mınıstrliktiń baspasóz qyzmeti.
Keıbir buqaralyq aqparat quraldarynyń málimetinshe, apattyń sebebi qustarmen soqtyǵysý bolýy múmkin. Alaıda, Baký – Groznyı baǵytymen ushqan ushaqtyń Aqtaý áýejaıy ústinde qalaı paıda bolǵany belgisiz.
"Apat ornyna travmatologtar men neırohırýrgtardy jetkizý úshin sanıtarlyq avıasıa daıyndaldy. Jaraqat alǵandarǵa oqıǵa ornynda kómek kórsetiletin bolady," — dedi Aqmaral Álnazarova.
Buǵan deıin Aqtaýda apatqa ushyraǵan ushaqtyń ishinde qazaqstandyqtardyń bolǵanyn jazǵan edik.