Belgisiz jaǵdaıda bolǵan jarylys saldarynan qurylys túgel qıraǵan
Mańǵystaý oblysynyń Aqtaý qalasynda jarylys bolyp, ǵımarat qırady, dep habarlaıdy Almaty-akshamy.kz QazAqparatqa silteme jasap.
Áleýmettik jelide Aqtaý qalasynda jarylys bolǵany týraly habar taraǵan. Mańǵystaý oblysy tótenshe jaǵdaılar departamenti bul málimetti rastady.
«Saǵat 22.25-te Mańǵystaý oblysy Tótenshe jaǵdaılar departamentine Aqtaý qalasy, №29 «A» shaǵyn aýdan mekenjaıy boıynsha jarylys bolǵany týraly aqparat kelip tústi. Belgisiz jaǵdaıda bolǵan jarylys saldarynan qurylys túgel qıraǵan. Zardap shekkender týraly aqparat túsken joq. Jarylystyń sebebi men buzylý aımaǵy naqtylanyp jatyr», - delingen Mańǵystaý oblysy tótenshe jaǵdaılar departamentiniń baspasóz qyzmeti taratqan málimette.
Oqıǵa ornyna tótenshe jaǵdaılar departamentiniń 5 tehnıkasy men 17 qyzmetkeri, «Apattyq medısına ortalyǵy» mekemesiniń 3 qyzmetkeri men 1 tehnıkasy attanǵany habarlanýda.