«Qazgıdromet» RMK-sy aqpannyń 9-y kúngi aýa raıy boljamyn jarıalady, dep habarlaıdy Almaty-akshamy.kz
Kásiporynnyń boljamyna qaraǵanda, atmosferalyq frantaldy bólikterdiń ótýine baılanysty, Qazaqstan aýmaǵynyń basym bóligine qar jaýady, tek respýblıkanyń ońtústik-batysynda kún jaýyn-shashynsyz. Keı jerlerde kóktaıǵaq bolyp, tuman túsedi. Elimizdiń batysynda, soltústik-batysynda jáne ońtústik-shyǵysynda jel kúsheıedi.
Kúndiz Batys Qazaqstan oblysynyń ońtústik-batysynda, batysynda jaıaý burqasyn soǵyp, kóktaıǵaq bolady, oblystyń soltústiginde, shyǵysynda jáne ortalyǵynda tuman túsip, kúndiz oblystyń batysynda, ońtústiginde, soltústik-batysynda jeldiń jyldamdyǵy sekýndyna 15-20 metrge jetedi.
Jambyl oblysynyń soltústik–shyǵysynda jáne taýly aýdandarynda tuman túsip, kóktaıǵaq bolady.
Túnde Qostanaı oblysynyń shyǵysynda jaıaý burqasyn, oblystyń soltústiginde, shyǵysynda tuman, túnde oblystyń shyǵysynda jeldiń jyldamdyǵy sekýndyna 15-20 metrge jetedi.
Soltústik Qazaqstan oblysynyń ońtústik-batysynda, batysynda jaıaý burqasyn bolyp, oblystyń ońtústik-shyǵysynda tuman túsedi.
Kúndiz Mańǵystaý oblysynyń ońtústik-shyǵysynda jel sekýndyna 15-20 m/s-ke deıin kúsheıedi.
Almaty oblysynyń ońtústiginde, shyǵysynda tuman túsip, kóktaıǵaq bolady.
Aqmola oblysynyń soltústiginde, shyǵysynda, Túrkistan oblysynyń ońtústiginde, batysynda, taýly jáne taý bókterli aýdandarynda, Aqtóbe oblysynyń soltústiginde, ońtústik-shyǵysynda, Pavlodar oblysynyń batysynda, soltústiginde, Qaraǵandy oblysynyń soltústiginde, shyǵysynda, Shyǵys Qazaqstan oblysynyń soltústiginde, Qyzylorda oblysynyń soltústiginde jáne ortalyǵynda tuman túsýi yqtımal.