Bıylǵy Apple Fest almatylyqtar men qala qonaqtarynyń esinde tek aýqymdy mádenı baǵdarlamasymen ǵana emes, sonymen qatar erekshe jetistikterimen qaldy. Festıvál tarıhynda alǵash ret 1 700 lıtr alma kompoty qaınatylyp, bul Gınnestiń rekordtar kitabyna endi. Kompotty satýdan túsken qarajat qala saıabaqtary úshin qus úılerin, qorektendirgishter men aǵash jáne buta kóshetterin satyp alýǵa baǵyttalady.
Apple Fest aıasynda almatylyq 50 baǵban 130 tonnadan astam alma, sonyń ishinde áıgili «aport» sortyn usyndy. Park aýmaǵynda sırk shapıto jumys istep tur, onyń astynda «Kýrez» kloýndar kvarteti, trosttardaǵy ekvılıbr, Efıopıadan kelgen Black Eagles komandasy ıkarıı oıyndarymen, rolıktegi akrobattar, arqanmen júrýshiler jáne úıretilgen jylqylar men ıtter óner kórsetedi. Aıta ketý kerek, sırk 25 qyrkúıekke deıin jumysyn jalǵastyrady. Sırk qoıylymdarynan basqa, barlyq konsertter men atraksıondarǵa tegin kirýge bolady.
Festıváldiń basty sahnasynda Republic bı ujymy, ánshi Tolqyn Zabırova, Sopranova jáne Umberto project toptary óner kórsetti. Sonymen qatar, Qazaqstannyń halyq ártisi Roza Rymbaeva, eńbek sińirgen ártis Baqtıar Taılaqbaev jáne Almaty qalasynyń estradalyq-sımfonıalyq orkestri konsertti jalǵastyrdy. Odan keıin etnotop Steppe Sons, Umberto project, «Asý» toby, Dımash Dáýletov, Kyle Ruh, Dáýren Baıborı, Ernazar Juban, Baýyrjan Mýsın, Dıana Ismaılova jáne basqa da ártister kórermenderdi qýantty.
Festıvál kezinde saıabaq aýmaǵy taqyryptyq aımaqtarǵa bólindi. Mysaly, «Baqsha ınovasıalary» aımaǵynda qonaqtarǵa Almatynyń kógaldandyrý barysynda ınovasıalyq tásilder qalaı qoldanylatyny kórsetildi. «Gúl ǵajaıyptary býlvary» úlken baqqa aınaldy.
Sonymen qatar, alma, qolóner, kraft ónimderi jármeńkesi, Elshilik aleıasy, baqsha qural-jabdyqtary jármeńkesi sıaqty is-sharalar uıymdastyryldy. Kúni boıy ashyq aspan astyndaǵy kınoteatrda qazaq kınosynyń «Altyn qorynan» fılmder kórsetildi.
