Ol úshin smartfondaǵy baǵdarlamaǵa kirip, dabyl túımesin basý qajet.
Almatyda adamdardyń ómirine qaýip tóngen jaǵdaıda kómek alýǵa múmkindik beretin arnaıy qosymsha paıda boldy, dep habarlaıdy Almaty-akshamy.kz Almaty.tv-ǵa silteme jasap.
Paıdalanýshyǵa tek smartfonǵa júktelgen baǵdarlamaǵa kirip, dabyl túımesin basý qajet. Jedel áreket etý toby 5-10 mınýt aralyǵynda shaqyrtý orynyna jetedi. Joba avtorynyń aıtýynsha, mobıldi qosymsha qylmystyń aldyn alýǵa múmkindik beredi. Sondaı-aq memlekettik organdarǵa halyqtyń qaýipsizdigin jáne quqyqtyq tártiptiń saqtalýyn qamtamasyz etýge septesedi.
«Qazir kez kelgen adam qosymsha arqyly taǵamǵa, azyq-túlikke tapsyrys berip, taksı de shaqyra alady. Sondyqtan bizge dabyl núktesi arqyly jumys isteıtin mobıldi baǵdarlamany jasaý týraly oı keldi. Qosymshada ekıpajben baılanysyp, qandaı kómek kerek ekenin túsindirýge de múmkindik jasalǵan», – dedi ınovasıalyq jobanyń negizin qalaýshy Felıks Kýrmanov.