Qar keshki saǵat 20:00-den bastap jaýa bastady. Qar qalyńdyǵy qalada shamamen 1 sm, taýly aımaqta 10 sm-ge deıin.
Sınoptıkter qardyń jaýatynyn kúni buryn boljap, qalanyń komýnaldyq qyzmeti tazalyq jumystaryna kúni buryn qural-saımandaryn saılap qoıdy. Qala turǵyndaryna kúnniń kúrt sýytatyny, qardy ýaqytyly kúreý úshin júrgizýshilerden kólikti jol jıegine qoımaý eskertildi.
Qar túspeı turyp, 204 qum-tuz shashqysh tehnıka magıstraldardy aldyn ala suıyq reagenttermen óńdedi. Kóktaıǵaqqa qarsy materıal sebilip, aıaldamalar, jaıaý ótkelder men kópirler tazartylyp jatyr.
Shákirtjan Qýatjan "Almaty Tazalyq" memlekettik komýnaldyq kásipornynda 4 jyldan beri eńbek etedi. Aıaldamalar men jaıaý júrginshiler jolyn tazalaý – onyń kúndelikti jumysy. Túnimen toqtamaıtyn komýnaldyq qyzmet jumysynyń bári halyqtyń ıgiligi úshin deıdi ol.
"Tańǵy 8-den beri qar tazalyǵyn jasap jatyrmyz. Bári halyqtyń qamy úshin. Jumysym ózime unaıdy", - deıdi jumysshy.
Qala kóshelerinde 918 arnaıy tehnıka jáne 2550 jol jumysshysy qyzmet atqarýda. Tolassyz jaýǵan qardy arnaıy tehnıka jol jıekterinen barynsha jyldam tazalap áketip jatyr. Jol jumysshylarynyń jasap jatqan jumystarynyń bári kólik ıeleri men jaıaý júrginshilerdiń jaılylyǵy úshin.
Sýrette kólikpen qalany tazartyp júrgen jumysshy Nursultan Qalyq
Negizgi magıstralder, kópirler, jol aıryqtary, eńister men kóterilister, trotýarlar jáne aıaldama aımaqtary kóktaıǵaqqa qarsy materıaldarmen óńdelip jatyr. Jumystar táýlik boıy júrgizilip jatyr.