5–9 qarasha aralyǵynda Almaty qalasynda Zarina Altynbayeva Youth Music Competition (ZAYMC 2025) — jas mýzykanttardyń V Halyqaralyq akademıalyq baıqaýynyń fınaly ótedi.
ZAYMC — jas talanttardy qoldaýǵa, olardyń kásibı deńgeıin arttyrýǵa jáne halyqaralyq shyǵarmashylyq baılanystardy nyǵaıtýǵa baǵyttalǵan bedeldi joba.
Bıylǵy jyldyń taqyryby — «Túrki álemi halyqtarynyń jáne kompozıtorlarynyń mýzykasy», ol mádenı dástúrlerdiń sabaqtastyǵy men birligin beıneleıdi.
Jobanyń negizin qalaýshy ári kórkemdik jetekshisi — Qazaqstan Respýblıkasynyń Eńbek sińirgen qaıratkeri, Abaı atyndaǵy Qazaq ulttyq opera jáne balet teatrynyń jetekshi solısi Zarına Ánýarqyzy Altynbaeva.
Baıqaýǵa 150-den astam ótinim qabyldanyp, onlaın irikteý nátıjesinde 10–17 jas aralyǵyndaǵy 46 qatysýshy fınalǵa ótti. Tyńdaýlar Qurmanǵazy atyndaǵy Qazaq ulttyq konservatorıasynyń E. Rahmadıev atyndaǵy Úlken zalynda ótedi. Konservatorıa baıqaýdyń bas seriktesi bolyp tabylady.
Halyqaralyq qazylar alqasynyń quramyna akademıalyq ónerdiń kórnekti qaıratkerleri endi:
(Túrkıa), Egána Ahýndova (Ázerbaıjan), Ferýza Haldarova (Ózbekstan), Denıs Shapovalov (Reseı), Ernıs Asanalıev (Qyrǵyzstan), Gaýhar Tasbergenova, Rýslan Talas, Dına Hamzına (Qazaqstan) jáne Hasan Nıazı Týra (Túrkıa).
Baıqaý qorytyndysynda barlyq nomınasıalar men jas sanattary boıynsha úzdik qatysýshylar anyqtalady. Negizgi júldelermen qatar, Túrki álemi shyǵarmasyn úzdik oryndaý, sondaı-aq Bıbigúl Tólegenova, Marat Bısenǵalıev jáne Gúlsin Ońaı atyndaǵy arnaıy syılyqtar taǵaıyndalǵan. Apta boıy qazylar alqasy músheleriniń sheberlik sabaqtary, Q&A sesıalary jáne ashyq dáristeri ótkiziledi.
ZAYMC 2025 bilim berý bastamalarynyń mańyzdy jobalarynyń biri — «Túrki kompozıtorlarynyń antologıasy» (Volume I, 2025). Bul — Qazaqstan, Túrkıa, Ázerbaıjan, Qyrǵyzstan, Ózbekstan jáne Túrikmenstan kompozıtorlarynyń shyǵarmalaryn biriktiretin alǵashqy notalyq jınaq.
Baıqaý 9 qarasha kúni Abaı atyndaǵy Qazaq ulttyq opera jáne balet teatrynda ótetin gala-konsertpen jáne marapattaý rásimimen aıaqtalady. Baǵdarlamada Abaı, Latıf Hamıdı, Fıkret Ámırov, Ahmet Adnan Saıgýn, Muhtar Áshrafı jáne álemdik klasıka avtorlarynyń týyndylary oryndalady. Dırıjerlik púltte — Hasan Nıazı Týra (Túrkıa) jáne Qazaqstan Respýblıkasynyń eńbek sińirgen qaıratkeri Nurjan Baıbýsınov.2019 jyly negizi qalanǵan ZAYMC baıqaýy búginde Qazaqstannyń akademıalyq mýzyka ómirindegi mańyzdy oqıǵalardyń birine aınaldy. Basty maqsaty — Túrki áleminiń jańa mýzykalyq zıaly qaýymyn qalyptastyrý, al onyń biregeı ereksheligi – barlyq qatysýshylar úshin tegin ótkizilýi bolyp tabylady.
Bıylǵy ZAYMC fınalynyń ereksheligi bir sahnada jas daryndar men álemdik deńgeıdegi mýzykanttar óner kórsetedi.
Kórermenderdi qazylar alqasy músheleriniń, belgili sheberlerdiń jáne qatysýshylardyń shabytqa toly áserli oryndaýlary kútedi.
Qatysýshy ártister:
Egana Ahýndova (Ázerbaıjan)
Gúlsın Onaı (Túrkıa)
Ernıs Asanalıev (Qyrǵyzstan)
Denıs Shapovalov (Reseı)
Zarına Altynbaeva (Qazaqstan)
İS-SHARALAR KESTESİ
5 qarasha, saǵat 16:00
Baǵdarlama: ZAYMC baıqaýynyń negizin qalaýshy jáne kórkemdik jetekshisi Zarına Altynbaevanyń quttyqtaý sózi, qatysýshylarmen tanysý jáne jerebe tartý rásimi.
Ótetin orny: Qurmanǵazy atyndaǵy Qazaq ulttyq konservatorıasy, E. Rahmadıev zalynda
6–7 qarasha — baıqaý kúnderi (keste boıynsha).
9 qarasha, saǵat 15:00 — Gala-konsert jáne marapattaý rásimi
Ótetin orny: Abaı atyndaǵy Qazaq ulttyq opera jáne balet teatry