22 qańtardan bastap qalanyń 5 aýdanynda «demalys kúngi» azyq-túlik jármeńkesiniń qyzmeti qaıta jandandy
Almaty ákiminiń orynbasary Maqsat Qıqymov Baqytjan Saǵyntaevtyń tóraǵalyǵymen ótken Almaty qalasynyń tynys-tirshiligin qalpyna keltirý jónindegi qalalyq shtab otyrysynda sóılegen sózinde osy jáne basqa da mańyzdy sharalar týraly aıtyp berdi, dep habarlaıdy Almaty-akshamy.kz
Ákimniń orynbasary 9 qańtarda úı janyndaǵy dúken sórelerinde ónim tapshylyǵyn boldyrmaý maqsatynda azyq-túlikti tómen baǵamen jetkizýge ótinimderdi qabyldaý boıynsha jedel jeli qurylǵanyn habarlady.
Aǵymdaǵy jylǵy 24 qańtardaǵy jaǵdaı boıynsha, 120 ótinim alyndy jáne 90 tonna ónim tıeldi, onyń ishinde 85,2 tonna bakaleıa ónimderi (kúnbaǵys maıy, 1-surypty un, qaraqumyq jarmasy, qant) 4,8 tonna jumyrtqa.
Qazirgi ýaqytta qalanyń barlyq aýdandarynda V, S klasty dúkenderdi qamtýdy ulǵaıtý úshin ótinimderdi qabyldaý jalǵasýda.
Maqsat Qıqymovtyń aıtýynsha, ÁMAT baǵasyn turaqtandyrý boıynsha jumys erekshe baqylaýda.
22 qańtardan bastap apta saıyn qalanyń 5 aýdanynda (Almaly, Medeý, Bostandyq, Alataý, Áýezov) «demalys kúngi» azyq-túlik jármeńkeleri qaıta bastalady. Oǵan Almaty oblysynyń jaqyn aýdandarynyń aýyl sharýashylyǵy taýaryn óndirýshileri, sondaı-aq Almaty qalasynyń azyq-túlik kásiporyndary qatysady.
Budan basqa, Almatyda kókónis áleýmettik dúkenderiniń úlgisi boıynsha 5 bazarda («Juldyz», «Orbıta», «Taý samaly», «Arystan», Tastaq) et dúkenderi iske qosyldy. Onda sıyr etiniń keýde-jaýyryn bóligi 2050 tg/kg-nan satylady, bul ortasha naryqtyq baǵadan (QQ-2325 tg/kg) 13,5%-ǵa tómen.