Bul azamat buryn da osyndaı bap boıynsha sottalǵan.
Almatyda velosıped urlap júrgen turǵyn ustaldy, – dep habarlaıdy Polisia.kz. Qaskóıdi tek Almaly aýdanyndaǵy kópqabatty úılerdiń kireberisinen alyp shyǵyp júrgen balalar velosıpedteri ǵana qyzyqtyrdy.
«Jedel-izdestirý is-sharalarynyń barysynda urlyq jasaǵanyn moıyndaǵan 24 jastaǵy shahar turǵyny ustaldy. Qazirgi ýaqytta kúdiktiniń osyǵan uqsas jeti qylmysqa qatystylyǵy dáleldendi. Jas jigit velosıpedterdi arzan baǵaǵa satyp, aqshany jeke qajettilikterine jumsaǵan», – deıdi Almaly aýdany PB janyndaǵy polısıa bóliminiń basshysy Meıirhan Jańabaev.
Ózgeniń velosıpedin «jaqsy kóretin» azamat buryn da osyndaı bap boıynsha sottalǵan. Sotqa deıingi tergeý merziminde kúdikti bultartpaý sharasy retinde qamaýǵa alyndy. Onyń osyǵan uqsas ashylmaǵan qylmystarǵa qatysy bar-joǵyn anyqtaý jumystary júrgizilýde. Barlyq jeti epızod bir óndiriske biriktirilip, qylmystyq is QR QK-niń 188-baby 1-bólimi boıynsha tergelýde.