QR Mádenıet jáne sport mınıstrligi Mádenıet komıtetiniń qoldaýymen «Mádenıetterdi jaqyndastyrý ortalyǵy» memlekettik mýzeıi QR Ulttyq kitaphanasymen birlesip ult ustazy, aǵartýshy, ǵalym-lıngvıst, aqyn, aýdarmashy A. Baıtursynulynyń týǵanyna 150 jyl tolýyna oraı «Ult ustazy hám alashtyń Ahmeti» atty halyqaralyq konferensıa ótkizdi.
Bul týraly Almaty-akshamy.kz kitaphananyń baspasóz qyzmetine silteme jasaı otyryp habarlaıdy.
«Konferensıanyń maqsaty – aǵartýshy, lıngvıs-ǵalym, ádebıettanýshy, túrkitanýshy, aqyn jáne aýdarmashy, qoǵam qaıratkeri, saıası pýblısıs, Alash partıasynyń múshesi Ahmet Baıtursynulynyń qoǵamdyq-saıası kózqarastary men ǵylymı ıdeıalaryn zertteý, zerdeleý»,-delingen habarlamada.
Halyqaralyq konferensıany IýNESKO qamqorlyǵyndaǵy Halyqaralyq mádenıetterdi jaqyndastyrý ortalyǵynyń bas ǵylymı qyzmetkeri, jazýshy Naǵashybek Qapalbekuly júrgizip, alǵashqy quttyqtaý sózdi IýNESKO qamqorlyǵyndaǵy Halyqaralyq mádenıetterdi jaqyndastyrý ortalyǵynyń dırektory, Qazaqstannyń Eńbek Eri, halyq jazýshysy Oljas Súleımenov berdi. Sonymen qatar Almaty qalasy ákiminiń orynbasary Arman Qyryqbaev, QR Jazýshylar Odaǵy basqarmasynyń tóraǵasy, Qazaqstannyń eńbek sińirgen qaıratkeri Esdáýlet Ulyqbek Ult ustazy atanǵan Ahmet Baıtursynulynyń eńbekteri jaıly baıandady.
Onlaın rejıminde quttyqtaý sózben: IýNESKO Bas dırektorynyń áleýmettik jáne gýmanıtarlyq ǵylymdar jónindegi orynbasary (vıdeoúndeý), IýNESKO Shtab-páterinen (Parıj, Fransıa) Gabrıella Ramos, Qazaqstan Respýblıkasy Mádenıet jáne sport mınıstrligi Mádenıet komıteti tóraǵasynyń orynbasary (Nur-Sultan, Qazaqstan) Maqsat Arǵynbekov beınehabarlama jasady.
İs-shara aıasynda QR Ulttyq kitaphanasynyń qorynan ult ustazy, aǵartýshy, ǵalym-lıngvıst, aqyn, aýdarmashy A. Baıtursynulynyń ómiri men shyǵarmashylyǵyna arnalǵan «Ult ustazy ─ Ahmet Baıtursynuly» atty kitap jáne merzimdi basylymdar kórmesi uıymdastyryldy.
Konferensıaǵa áleýmettik jáne gýmanıtarlyq ǵylymdar, tiltaný jáne tarıh salasynyń jetekshi mamandary, zertteýshi ǵalymdar, qoǵam jáne memleket qaıratkerleri, halyqararyq uıymdardyń, bilim berý, zertteý uıymdarynyń ókilderi, BAQ ókilderi, oqytýshylar, doktoranttar, otandyq jáne sheteldik JOO stýdentteri qatysty.